RAIS MAGUFULI KUWAKABIDHI KOMBE LA UBINGWA SIMBA

Share This:

Whatsapp Whatsapp Share it Tweet

Rais wa Jamhuri wa Muungano wa Tanzania, Dk. John Magufuli anatarajiwa kuwa mgeni rasmi katika mchezo wa ligi kati ya Simba dhidi ya Kagera Sugar mchezo ambao Wekundu hao watakabishiwa kombe hilo katika uwanja wa Taifa.

Simba imefanikiwa kutwaa ubingwa huo na Jumamosi Mei 19 watakabidhiwa kombe hilo kwakua ndio utakuwa mchezo wa mwisho kucheza katika uwanja wa nyumbani.

Rais wa Shirikisho la mpira wa miguu Tanzania (TFF) Wallace Karia amesema wamemuandikia barua Waziri wa Michezo Dk. Harrison Mwakyembe kumuarifu Rais Magufuli kwa ajili ya kujitokeza katika hafla hiyo.



"Tunatarajia Mheshimiwa Rais Magufuli kuwa mgeni rasmi wa mechi ya Simba dhidi ya Kagera na ndiye atakaye kabidhi kombe kwa mabingwa wapya Simba kama ratiba yake haitabadilika," alisema Karia.

Kabla ya kuwakabidhi Simba taji hilo la ubingwa Rais Magufuli atakabidhiwa kombe la CECAFA la vijana wa timu ya taifa ya vijana chini ya miaka 17 'Serengeti Boys' walilotwaa nchini Burundi.

Mchezo huo unatarajiwa kuanza saa 8 mchana ili kutoa nafasi kwa matukio hayo kufanyika huku kiingilio cha chini kikiwa shilingi elfu tatu.