SALAMBA: NIMEFURAHI KUIFUNGA SIMBA

Share This:

Whatsapp Whatsapp Share it Tweet

Mshambuliji wa Lipuli FC, Adam Salamba amesema amefurahi kufunga bao dhidi ya Simba kwakua Wekundu hao ni timu kubwa na wapo kwenye kiwango bora kwa sasa.

Salamba alifunga bao hilo katika mchezo uliomalizika kwa sare dakika ya 31 baada ya kupokea pasi ndefu ya kiungo Mussa Nampaka.

Salamba ambaye amechaguliwa mchezaji bora wa ligi kuu mwezi Machi amesema kwa mshambuliji kutoka timu ndogo kuifunga Simba sio jambo dogo ndio maana alishangilia sana.

"Simba ni timu kubwa, na kufunga dhidi ya timu kubwa furaha yake ni mara mbili ndio maana nilishangilia sana," alisema Salamba.

Mchezaji huyo wa zamani wa Stand United ametengeneza ushirikiano mzuri na Malimi Busungu na Seif Karihe katika idara ya ushambuliaji ya Wana Paluhengo hao.