Mbonde: Mungu hakupenda tuifunge Simba

Share This:

Whatsapp Whatsapp Share it Tweet

Mshambuliaji wa timu ya soka ya Mtibwa Sugar Stamil Mbonde ameeleza kuwa kufungwa na Simba katika mchezo wa ligi uliofanyika katika uwanja wa Jamhuri mkoani Morogoro ni kama Mungu alipanga wao kufungwa kutokana na kiwango walichokionesha.

Mbonde amesema waliishika mechi hiyo kwa dakika zote na walitengeneza nafasi nyingi za kuwapatia mabao lakini haikuwa rahisi kufunga na hilo ndilo linamuaminisha kuwa haikuwa siku yao na Mungu alipanga Simba kuondoka na ushindi mwembamba wa bao 1-0.

"Mchezo ulikuwa mzuri sisi tumefanya kazi nzuri ingawa hatujashinda, lakini nisema ni bahati mbaya imetokea wenzetu wameshinda, sisi tunashukuru kwa yote kwani tumetoka salama yote kheri, siwezi kusema Simba ni wazuri sana kuliko sisi lakini wametuotea na ndio maana wametufunga, Mungu amependa leo wawe wao," Mbonde amesema.

Hali tete

Katika mchezo huo ambao umechezeshwa na mwamuzi Abdallah Mtiro kutoka Mtwara umeshuhudia bao pekee la Emmanuel Okwi katika dakika ya 23 likiwapa ushindi Simba na kuwafanya Mtibwa kuendelea kusuasua katika mzunguko huu wa pili wakiwa tayari wameshapoteza mchezo watano kati ya saba waliyocheza.

Mtibwa Sugar aambao walianza vyema ligi ambapo katika mzunguko wa kwanza walipoteza mchezo mmoja pekee kwa kufungwa 1-0 na Kagera Sugar, wapo katika hali mbaya katika hatua hizi za lala salama kwani wapo katika nafasi ya sita na alama zao 30.

Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...