Taarifa Njema Kwa Wanayanga Kuhusu Donald Ngoma

Share This:

Whatsapp Whatsapp Share it Tweet

Mshambuliaji wa klabu ya Yanga, Donald Ngoma tayari ameanza rasmi mazoezi katika klabu hiyo.

Ngoma ambae alikosekana kunako klabu hiyo kwa muda mrefu kutokana na majera ameripotiwa kurejea mazoezini siku ya jana na hii ni kwa mujibu wa taarifa iliyotolewa na mwenyekiti wa kamati ya Mashindano wa klabu hiyo, Hussein Nyika.

Nyika amesema kuwa tayari Ngoma amerejea na yupo fiti  kimashindano licha ya kuwa hata safiri na klabu hiyo kuelekea Shelisheli ambako Yanga itakwenda kucheza mchezo wa klabu bingwa Afrika.

"Habari njema kwa wapenzi na wanachama wa Yanga ni kuwa Ngoma amerejea na tayari ameanza mazoezi rasimi licha ya kuwa hatasafiri na klabu hiyo kuelekea Shelisheli kutokana na kwamba ndio ametoka majeruhi." Alisema Nyika

Aidha Nyika aliongeza kwa kusema kuwa Ngoma huenda akahusishwa katika kikosi kitakachoshuka dimbani kuwavaa Majimaji ya Songea kwenye mchezo wa ASFC(Azam Sports Federation).