Neema Yatua Jangwani, Wachezaji Kujinyakuliwa Mamilioni Ya Fedha..

Vigogo wa klabu ya Yanga wamepania kuhakikisha wanapata ushindi kwenye mchezo wa play off ya kombe la shirikisho Afrika dhidi ta Welayta Dicha ili kihakikisha wanafuzu hatua ya makundi jwa kuwamwagia mamilioni ya fedha wachezaji endapo wataibuka na ushindi.

Yanga wanatarajiwa kuvaana na timu hiyo ya Ethiopia jumamosi hii kwenye uwanja wa taifa Dar es salaam.

Kutokana na umuhimu wa mchezo huo vigogo wa klabu hiyo wakiongozwa na mwenyekiti wa kamati ya mashindano wa klabu hiyo Hussein Nyika wameahidi kutoa mamilioni kwa wachezaji ili kuongeza morali.

Licha ya kwamba Nyika hakutaka kulitaja dau ambalo wametenga kwa ajili ya wachezaji hao kama watashinda, amesema wao kama viongozi wanatambua umuhimu wa mchezo huo.

Ni mchezo muhimu sana kwetu. Ili tuweze kutinga hatua ya Makundi ni lazima wachezaji wapambane na kuibuka na Ushindi mnono Nyumbani, lengo likiwa ni kurahisisha kazi mchezo wa marudiano ugenini" alisema Nyika.

Wakati huohuo kocha George Lwandamina amekuwa akiwaza na kuwazua na kuona ni vipi anaweza kukiwezesha kikosi chake kusonga mbele.

Akizungumzia mchezo huo Lwandamina amewaahidi mashabiki wa Yanga kuwa watapambana kuhakikisha wanapata matokeo mazuri.

Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...