Kinyago Cha Simba Chawaandama Mbao Fc

Share This:

Whatsapp Whatsapp Share it Tweet

Hatua ya mzunguko wa Nne(4) wa mashindano ya Kombe la Shirikisho la Azam (ASFC) imianza kutimua vumbi Jumatano hii ya Februari 21, 2018 kwa mchezo mmoja uliopigwa kwenye Uwanja wa Sabasaba na kuwakutanisha vijana Njombe mji fc na Mbao fc na kushuhudiwa Mbao fc Wakibwagwa nje ya michuano hiyo.

Timu hiyo ya Mbao FC imetolewa kwenye michuano ya Azam Sports Federation Cup (ASFC) katika hatua ya 16 Bora tu baada ya kufungwa kwa penalti 6-5 kufuatia sare ya 1-1 na wenyeji, Njombe Mji FC ndani ya dakika 90 Uwanja wa Saba Saba mjini Njombe.
Sasa timu zote zilizocheza fainali ya ASFC Mei 27, mwaka jana Uwanja wa Jamhuri mjini Dodoma zinaipa mgongo michuano hiyo hata kabla ya hatua ya Robo Fainali.
Hiyo ni baada ya Simba, waliotwaa taji hilo kwa ushindi wa 2-1 kutolewa pia Desemba 22 kwa penalti 4-3, baada ya sare ya 1-1 ndani ya dakika 90 na timu ya Daraja la Pili, Green Warriors ya Mwenge, Dar es Salaam inayomilikiwa na Jeshi la Wananchi Tanzania (JWTZ) katika hatua ya 64 Bora.