Kauli Ya Massoud Djuma Kuelekea Mechi Ya Kesho Dhidi Ya Mbao FC...

Kikosi cha Simba leo jiioni kimefanya ya mazoezi ya mwisho kujiandaa na mchezo wa kesho dhidi ya Mbao FC, mazoezi yamefanyika katika uwanja wa Boko Veteran jijini Dar es Salaam

Kuelekea mchezo huo kocha msaidizi wa klabu hiyo ametoa tahadhari kubwa huku akisema kuwa wanaiheshimu Mbao lakini wamejipanga kuoata matokeo ili kuhakikisha wanaendelea kujihakikishia kuushikilia usukani wa ligi hiyo.

Aidha amewataka mashabiki wapenzi na wanachama kujitokeza kuisapoti timu yao.

'Tumefanya mazoezi ya kutosha kujiandaa na mchezo wetu wa kesho dhidi ya Mbao FC, ni timu nzuri na tunaiheshimu lakini sisi kama Simba tumejipanga kuhakikisha tunashinda mchezo wa kesho. Mashabiki wetu waje kwa wingi kuhakikisha wanakuja na kuisapoti timu kwa ajili ya kutafuta ushindi kwenye mchezo wa kesho' alisema Kocha msaidizi wa kikosi cha Simba Massoud Djuma

Mchezo huo wa raundi ya 19 unatarijiwa kuwa wa kukata na shoka huku Mbao wakihitaji kuendelea kuishikilia rekodi ya kuvidindia vilabu vikubwa.

Pichani ni Said Hamis Ndemla mazoezini leo