Yanga Yashusha Kocha Mpya.

Share This:

Whatsapp Whatsapp Share it Tweet

Uongozi wa Yanga umemleta kocha wa makipa wa Bandari FC ya Kenya, Razak Siwa kuanza majukumu ya kuwanoa walinda mlango wa mabingwa hao wa kihistoria Tanzania Bara.

Siwa alitua nchini jana mchana akipokewa na Mwenyekiti wa kamati ya usajili, Hussein Nyika.

Yanga ilianza mazungumzo na mlinda lango huyo mwezi uliopita. Ujio wake huenda ukamuondoa mkongwe Juma Pondamali aliyeshikilia majukumu ya kuwanoa makipa wa Yanga kwa zaidi ya miaka mitano.

Siwa hana historia nyepesi kwenye soka kwani, anafahamika sana kwa umahiri wa kuwanoa makipa wakali katika Ukanda wa Afrika Mashariki na Kati, ambapo aliwahi kuinoa Yanga misimu kadhaa ya nyuma kabla ya kurudi kwao Kenya.