Nani Kuungana Na Somba Kimataifa?.

Share This:

Whatsapp Whatsapp Share it Tweet

Mtibwa Sugar.

FAINALI ya Kombe la FA ambayo itabariki nafasi ya Singida kushiriki michuano ya Shirikisho mwakani itachezwa kwenye Uwanja wa Sheikh Amri Abeid mjini Arusha leo dhidi ya Mtibwa Sugar.

Mtibwa walitinga fainali hiyo baada ya kuiondosha Stand United kwa mabao 2-0 huku Singida United ikiwafunga JKT Tanzania kwa mabao 2-1. Bingwa wa michuano hii ataiwakilisha nchi kwenye Kombe la Shirikisho Afrika baadaye mwakani.

Kikosi cha Singida.

Kocha wa Singida, Mholanzi, Hans van Der Pluijm leo ataaga rasmi mashabiki wa timu hiyo tayari kujiunga na Azam lakini anasema: “Tunatakiwa kucheza dakika 90 kwa asilimia 100 kwa juhudi na kwa uwezo wetu wote ili kushinda, kucheza kwa nidhamu na kujilinda huku tukishambulia kwa nguvu zote. Mpira ni mchezo wa makosa tushafanya makosa mwanzo hivyo tunatakiwa kuziba makosa yetu kwa kushinda.”

Uwanja wa Sheikh Amri Abeid.

Naye Kocha wa Mtibwa Sugar, Zuberi Katwila alisema kuwa: “Sisi mipango yetu na maandalizi yetu mpaka sasa hivi tushamaliza na hapa tunasubiria tucheze hiyo mechi, wachezaji wote wapo vizuri wana morali, hali ya hewa ya hapa Arusha inajulikana siku zote ni ya baridi hivyo haitaweza kutuathiri sana.”

Singida United hata kama akifungwa mchezo huo atafuzu kombe la Shirikisho mwakani kwani Mtibwa imefungiwa na CAF na haikuwahi kufuzu hatua hiyo ili adhabu yao ihesabike