Mchezaji Simba Kubeba Mikoba Ya Etienne Ndairagije Mbao.

Share This:

Whatsapp Whatsapp Share it Tweet

Club ya Mbao FC ya jijini Mwanza baada ya kocha wao mkuu Ettiene kuihama club hiyo na kuamua kujiunga na club ya KMC ya Manispaa ya Kinondoni, leo club hiyo imeamua kumtangaza kocha wao mpya.

Mbao FC mbele ya wadhamini wao wakuu GF Trucks wamemtangaza Amri Said kuwa kocha wao mpya mkuu na ataanza kukinoa kikosi hiko kwa ajili ya msimu mpya wa Ligi Kuu msimu wa 2018/19.



Kama humfahamu Amri Said alikuwa mchezaji wa zamani wa club ya wekundu wa Msimbazi Simba, kabla ya kuamua kustaafu na kuingia rasmi katika kazi ya ukocha wa mchezo wa mpira wa miguu.

Ndairagije amekuwa na mafanikio Mbao FC kwa msimu mmoja na nusu ikiwemo kuifikisha fainali ya Kombe la Shirikisho la Soka Tanzania (TFF), maarufu kama Azam Sports Federation Cup (ASFC) amejiunga na Timu ya Manispaa ya Kinondoni (KMC).

Amri anajiunga na Mbao FC akitokea Lipuli ya Iringa ambako alikuwa kocha Msaidizi mbele ya Suleiman Matola mchezaji mwenzake na Nahodha wake wa zamani SImba SC.