Simba Mmesikia Cheche Za Kocha Mpya Yanga?

Share This:

Whatsapp Whatsapp Share it Tweet

Baada ya kusaini Mkataba wa kuitumikia Yanga mapema jana, kocha mpya wa mabingwa hao watetezi wa ligi kuu ya Vodacom, Mwinyi Zahera ameelekea Morogoro kuungana na kikosi cha Yanga kilichoweka kambi mkoani humo.

Kocha Zahera amesaini mkataba wa miaka miwili na ametaka kuanza kazi mara moja hasa baada ya kuelezwa Jumapili ijayo kutakuwa na ‘derby’ dhidi ya Simba mchezo utakaopigwa kwenye uwanja wa Taifa

“Tutazungumza na uongozi wa Yanga, lakini nadhani nitaanza kazi mara moja,” amesema.

Akizungumzia kuhusu mchezo wake wa kwanza kuwa dhidi ya Simba, Zahera amesema hilo halimtii hofu kwa kuwa ameongoza michezo ya aina hiyo mingi.

“Nimekuwa kocha kwenye nchi za Afrika na Ulaya, nimeongoza michezo ya aina hiyo mingi sana, hao Simba waje tu,” amesema Zahera anayeweza kuzungumza lugha ya kiswahili kwa kiwango cha kuridhisha