Mashabiki Simba Wamjaza Minoti Shomari Kapombe
Kundi la Simba Kwanza (SK) limempa pesa taslimu sh laki moja na nusu (150,000) Shomari Kapombe baada ya kuibuka mchezaji bora wa mechi ya leo dhidi ya Mbeya City.
Katika mchezo huo Kapombe licha ya kucheza vizuri pia alisaidia kupatikana kwa bao la tatu 'assist' lililofungwa na John Bocco dakika ya 35.
SK wamekuwa na utaratibu wa kutoa zawadi ya pesa kwa mchezaji bora wa mechi wa Simba ili kutoa motisha na kuwafanya wachezaji waendelee kujituma na kuisaidia timu.
Baada ya kupokea zawadi hiyo Kapombe aliwashukuru SK na kuwataka waendelee na utaratibu huo kwakua unawafanya wajitume ambapo inachangia kuwapa matokeo mazuri.
"Nawashukuru sana kwa zawadi hii ni jambo zuri ambalo linaongeza hamasa miongoni mwa wachezaji nadhani linapaswa kuendelea na matunda yake yataonekana mwisho wa msimu, asanteni sana," alisema Kapombe.
Tangu arejee kutoka majeruhi Kapombe ameingia moja kwa moja kikosi cha kwanza na amekuwa na mchango mkubwa ambapo sasa anatumika kama kiungo badala ya mlinzi wa kulia.
Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...
No comments:
Note: only a member of this blog may post a comment.