Kumbe Kambi Ya Simba Haipo Morogoro, Soma Taarifa Hii Kujua Zaidi Kuhusu Kambi Hiyo.

Share This:

Whatsapp Whatsapp Share it Tweet

Zikiwa zimesalia siku nne kabla ya mechi ya watani wa jadi Simba na Yanga, Wekundu hao wa Msimbazi wamegoma kutaja sehemu walipoweka kambi.

Mchezo wa watani wa jadi hutawaliwa na presha kubwa ya kabla na baada ya mechi huku pande zote zikiwa haziitaji kupoteza kwa namna yoyote.

Tayari watani wao Yanga wameweka wazi kuwa wameweka kambi mkoani Morogoro kujiwinda na mchezo huo utakaopigwa uwanja wa Taifa Jumapili ijayo.

Kocha msaidizi wa timu ya Simba, Masoud Djuma amesema hawako tayari kutaja sehemu walipoweka kambi ili kuweza kufanya maandalizi yao kwa usiri mkubwa.

"Siwezi kutaja sehemu tulipo kwa sasa ni siri yetu, kikubwa wachezaji wote wapo vizuri na morali ipo juu na matumaini ya kupata ushindi ni mkubwa," alisema kocha Masoud.

Kiungo Jonas Mkude ambaye alikosa mchezo uliopita dhidi ya Lipuli FC wikiendi iliyopita kutokana na kuwa kadi tatu za njano anatarajiwa kuwa sehemu ya mechi hiyo.