Julio: Mechi Nne Zinazoweza Kuinyima Ubingwa Simba Msimu Huu.

KOCHA wa Dodoma FC, Jamhuri Kihwelo ‘Julio’ amesema Simba ina kibarua kigumu katika mbio za ubingwa msimu huu kutokana na ugumu wa mechi wanazokabiliana nazo.

Simba ipo kileleni kwa idadi ya mabao ya kufunga ikiwa pointi sawa na Yanga huku wakiwa na mchezo mmoja mkononi dhidi ya Njombe Mji.

Miongoni mwa mechi ngumu ambazo Julio ameziorodhesha kuwa na ugumu kwa Simba katika kutwaa ubingwa ni dhidi ya Mtibwa Sugar, Majimaji, Njombe Mji pamoja na Yanga.

“Simba walikuwa juu kwa pointi nane msimu uliopita na Yanga wakawa mabingwa, msimu huu walitangulia kwa pointi saba lakini wamefikiwa, hata kama wana mchezo mmoja mkononi haijalishi, watu wanasema ni bora ulichonacho kuliko unachokitegemea ambacho unaweza usikipate.

“Huwezi kusema Simba wanaweza kuwa mabingwa ingawa wana timu nzuri, wana mechi nyingi ngumu hapo katikati ikiwemo na ya Yanga wenyewe, kwenye mpira lolote linaweza kutokea,” alisema Julio.

Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...