Simba Waendelea Kuzisuka Mbinu Za Kuiangamiza Mbao Fc

Share This:

Whatsapp Whatsapp Share it Tweet

Kikosi cha Simba kinaendelea na maandalizi ya mchezo wa ligi kuu ya Vodacom mzunguuko wa 19 dhidi ya Mbao FC.

Leo Simba imeendelea na mazoezi kwenye viwanja vya Boko jijini Dar es salaam kujiandaa na mchezo huo utakaopigwa Jumatatu, February 26.

Kocha Mkuu wa Simba Pierre Lechantre akiwa sambamba na wasaidizi wake wamesimamia mazoezi hayo yanayohusisha wachezaji wote wa kikosi cha kwanza wasio majeruhi.

Baada ya kulazimishwa sare ya mabao 2-2 dhidi ya Mwadui FC kwenye mchezo uliopita, Simba inahitaji kuibuka na ushindi dhidi ya Mbao FC ili kuendelea kujikita kileleni mwa msimamo wa ligi kuu ya Vodacom kwa tofauti ya alama nyingi.