Kocha wa Simba ampa majukumu Mkude Dhidi Ya Waarabu.

Share This:

Whatsapp Whatsapp Share it Tweet

Kuelekea mchezo na Waarabu, Kocha wa Simba ampa majukumu Mkude

Kocha Mkuu  Simba, Mfaransa, Pierre Lechantre, amemwongezea majukumu mapya kiungo mkabaji wa kikosi chake Jonas Mkude ambayo anapaswa kufanya pindi anapokuwa ndani ya dimba

Kuanzia sasa Mkude anatakiwa kuwa makini  kuwaangalia washambuliaji wa timu hiyo, Emmanuel Okwi na John Bocco wamekaaje na kuwapigia mipira mirefu ambayo itawasaidia kufika katika eneo la wapinzani wao kwa haraka zaidi.

- Pia mbali na kufanya hivyo, Mkude ametakiwa kuhakikisha anakuwa na uwezo mkubwa wa kuisaidia safu ya ulinzi kujilinda pindi timu hiyo inaposhambuliwa kwa zaidi.

Mkude mwenyewe amefunguka kuwa hivi sasa anayafanyia kazi maelekezo hayo kwa juhudi kubwa.

“Kuna mambo mengi ambayo kocha anayaona kutoka kwangu ambayo natakiwa kuyafanya ili niweze kuwa bora zaidi, kwa hiyo ninapambana ili niweze kuyafikia.

“Kuna majukumu ambayo amenipatia na sasa ninayafanyia kazi, baadhi ni kuhakikisha nakuwa vizuri katika kuanzisha mashambulizi ya kushtukiza lakini pia kujilinda pindi tunapokuwa tunashambuliwa ,” alisema Mkude.