Mara "Pap" Yanga Out...

Share This:

Whatsapp Whatsapp Share it Tweet

 
Timu ya Yanga imekuwa ya kwanza kuaga michuano ya SportPesa Super Cup baada ya kukubali kipigo cha mabao 3-1 kutoka kwa Kakamega Homeboyz katika mchezo wa ufunguzi mtanange uliopigwa uwanja wa Afraha.

Wachezaji wa Yanga walionekana kucheza kawaida bila malengo ambapo ilionyesha dhahiri kuwa wangetolewa na Kakamega.

Mshambuliaji wazamani wa Azam FC, Alan Wanga aliifungia Kakamega bao la kwanza dakika ya 25 baada ya kumzidi ujanja mlinzi wa Yanga, Abdullah Shaibu.

Wanga aliongeza la pili dakika tano baadae kwa mkwaju wa penati baada ya kufanyiwa madhambi na Hajji Mwinyi ndani ya 18.

Matheo Anthony aliifungia Yanga bao hilo pekee kwa mpira wa adhabu uliotinga wavuni moja kwa moja dakika ya 38.

Wycliffe Opondo alipigilia msumari wa mwisho kwa Yanga baada ya kufunga bao la tatu dakika ya 85 kufuatia uzembe wa wachezaji wa mabing hao wa zamani wa bara.