Yanga Mmesikia Alichosema Kichuya, Haya Jipangeni..
Shiza Kichuya amekuwa na rekodi nzuri ya kufunga kila Simba inapokutana na Yanga katika kipindi cha miaka miwili iliyopita.
Kichuya amefunga michezo mitatu mfululizo iliyozikutanisha timu hizo hivyo.
Kuelekea mchezo wa Jumapili April 29 utakaozikutanisha Simba na Yanga kwenye uwanja wa Taifa, Kichuya amesema ataendeleza makali yake ya kutupia kambani.
"Nimezoea kuwafunga Yanga, Jumapili nitawafunga tena mapema sana," amesema Kichuya ambaye yuko mkoani Morogoro na kikosi cha Simba kilichoweka kambi mkoani humo.
Mchezo wa mwisho uliozikutanisha timu hizo mwaka jana Oktoba 28, ulimalizika kwa sare ya bao 1-1 Kichuya akifunga bao la Simba wakati lile la Yanga lilifungwa na Obrey Chirwa.
No comments:
Note: only a member of this blog may post a comment.