Pamoja na kusugua benchi..Mo Ibrahim na Ally Shomary wamefunguka haya..!!

Share This:

Whatsapp Whatsapp Share it Tweet

MASTAA wasio na namba ndani ya kikosi cha Simba, Ally Shomary na Mohammed ‘MO’ Ibrahim wamesema soka si geni kwao na kusuagua benchi hakuwafanyi kurudi nyuma hivyo wanajipanga kuwa fiti zaidi.

Shomary alisema kutopata namba ndani ya Simba ni kama mtu aliyetumbukia shimboni na anatakiwa kujiokoa, hivyo anapambana kumshawishi mwalimu ampe nafasi kwa kuendeleza kipaji chake.


“Unapoona hupangwi maana yake unatakiwa kuzidisha mazoezi, ndio jambo nilifanyalo kwa sasa ili nirejee katika kikosi cha kwanza, hakuna wa kunisaidia,” alisema Shomary.


Kwa upande wa MO Ibrahima alisema, kwa kuwa soka ni kazi, analazimika kukabiliana na nyakati za raha na shida.


“Ninajua nataka nini katika soka na nilichagua kazi hiyo nikiwa na akili timamu, nitacheza ikifika muda wangu wa kutumika, kikubwa ni mazoezi na kujiweka fiti muda wote,” alisema.


Winga wa zamani wa timu hiyo, Ulimboka Mwakingwe alisema anatambua uwezo wa nyota hao, akawashauri kusoma alama za nyakati ndani ya klabu kisha wachukue hatua ili kufika mbali.


“Ni wachezaji wenye uwezo wa juu, nawajua tangu wanachezea Mtibwa Sugar, wanapaswa kupambana hasa kupana nafasi.”Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...