Yanga Yawatowa Chozi Mashabiki.

By Gift Macha

Nakuru: Yanga imeanza kwa unyonge michuano ya SportPesa nchini Kenya baada ya kuchapwa mabao 3-1 na Kakamega Homeboys katika mechi iliyochezwa jana Jumapili kwenye Uwanja wa Afraha uliopo Nakuru.

Yanga iliyocheza bila mastaa wake, Kelvin Yondani 'Vidic, Andrew Vincent 'Dante' na Mzimbabwe Thaban Kamusoko, imemaliza kwa kipigo hicho na kuondoka uwanjani ikiwa vichwa chini.

Straika wa zamani wa Azam FC ambaye sasa anakipiga Kakamega Homeboys, Allan Wanga ndiye aliyekuwa mbaya wa Yanga baada ya kuipachikia mabao mawili ya haraka haraka timu hiyo katika dakika ya 26 kwa shuti na ya 30 kwa njia ya mkwaju wa penalti kabla ya bao la tatu la kumalizia.

Yanga walipambana na dakika ya 35 Matteo Antony aliifungia Yanga bao la kwanza na la kufutia machozi kutokana na mpira wa adhabu.