Hatimaye Manemo Ya Masau Bwire Yametia, Ruvu Shooting Yaipapasa Azam Fc

Share This:

Whatsapp Whatsapp Share it Tweet

Azam FC imekubali kipigo cha mabao 2-0 kutoka Maafande wa Ruvu Shooting katika mchezo wa ligi kuu uliofanyika kwenye uwanja wa Mabatini Mlandizi mkoani Pwani.

Ruvu ambayo ilikuwa miongoni mwa timu zilizokuwa kwenye janga la kushuka daraja lakini imezinduka mzunguko wa pili ikichahizwa na staili yao mpya ya 'kupapasa'.

Winga Khamis Mcha aliipatia Ruvu bao la kwanza dakika ya 29 na kuwafanya Maafande hao kwenda mapumziko wakiwa mbele kwa bao hilo.

Mwamuzi Shomari Lawi alimtoa mlinzi Agrey Morris kwa kadi nyekundu dakika ya 74 baada ya kadi ya pili ya njano ambayo ilitokana na kumtolea maneno machafu mwamuzi huyo.

Mshambuliji Fully Maganga aliipatia Ruvu bao la pili dakika ya 80 baada ya walinzi wa Azam kuweka mtego wa kuotea.

Ruvu imepanda nafasi moja na hadi ya saba kwenye msimamo wa ligi baada ya kufikisha pointi 29 wakati Azam imebaki nafasi ya tatu na alama zake 45.

Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...