OKWI, BOCCO, KAGERE,SALAMBA NA MO RASHID WAKABIDHIWA MAJUKUMU MAZITO LIGI KUU MSIMU UJAO
Kocha Mkuu wa klabu ya soka ya Simba, Patrick Aussems ameangalia dozi anayoendelea kuwapa wachezaji wa timu hiyo huko Uturuki na kutamka kuwa msimu huu anataka mabao Mara mbili ya yale yaliyofungwa na timu hiyo msimu uliopita.
-
Msimu wa 2017/2018 timu hiyo ilimaliza ligi ikiwa imefunga jumla ya mabao 62 katika mechi 30 za ligi kuu. Lakini kutokana na dozi pamoja na program maalumu ya kufumania nyavu ambayo kocha huyo amekuwa akiwapa washambuliaji wa timu hiyo imempa jeuri ya kuamini washambuliaji hao wanauwezo wa kifunga zaidi ya mabao 120 ambayo ni mara mbili ya magoli yaliyofungwa na timu hiyo msimu uliopita.
-
Hata hivyo jeuri hii inaonekana pia kuchagizwa na uwepo wa mastaa wa kutosha wenye uwezo wa kuzifumania nyavu watakavyo kwenye safi ya ushambuliaji ya timu hiyo.
-
Wachezaji wanaounda safu ya ushambuliaji ya timu hiyo ni pamoja na top four scorers wa kwenye ligi kuu ya msimu uliopita wakiongozwa na Emmanuel Okwi nahodha wa team hiyo John Bocco Adam Salamba, Marcel Bonaventure Kaheza, Mohamed Rashid huku huku mfungaji bora mara mbili wa michuano ya Sportpesa Meddie Kagere akiwemo.
-
Mbali na hiyo timu hiyo inawachezaji wanocheza nafasi za kiungo na ulinzi ambao sana uwezo wa hali ya juu wa kuzifumania nyavu, wakiwemo Shiza kichuya, Said Ndemla, Asante Kwasi Shomari Kapombe Erasto Nyoni na wengine kibao.
