Nsajigwa: Kuondoka Kwa Lwandamina Ni Pigo Kwa Yanga.

Share This:

Whatsapp Whatsapp Share it Tweet

Kocha msaidizi wa timu ya soka ya Dar Young Africans Shadrack Nsajigwa amesema kuondoka ghafla kwa kocha George Lwandamina na kujiunga na mabingwa wa soka nchini Zambia Zesco Unite kutawaumiza na kwa kuwa walikuwa wanaishi kama familia moja kutawaathiri kidogo.

Nsajigwa amechukulia mfano wa kundoka kwa Lwandamina kama baba anapoondoka ghafla kwenye familia jambo ambalo kama alikuwa akitoa mchango basi ni dhahiri shahiri nyumba itaathirika kwa kutokuwapo kwake.

"Unajua hata kwenye familia kitu kama hiki kikitokea lazima kuna kuwa na kuyumba kidogo, siwezi kuongea moja kwa moja kwa sababu bado sijapata rasmi nini kimetokea lakini kama nilivyosema jambo hili likitokea hata kwenye nyumba kama ni baba namna mlivyokuwa mnaishi naye karibu lazima kidogo hamtakuwa kwenye hali ya kawaida," Nsajigwa amesema.

Lwandamina ambaye alikuwa kocha wa Yanga kwa takribani miaka miwili sasa ameondoka klabuni hapo Jumanne na kujiunga na timu ya soka ya Zesco United ya Zambia kwa staili ya aina yake kwani hakuuaga uongozi wa Yanga wala kutoa taarifa ya mapema kama atavunja mkataba uliotazamiwa kumalizika mwishoni mwa mwezi Mei.

Join us on WHATSAPP Usipitwe Na Breaking News Za Soka: Jiunge nasi kupitia Facebook, Bofya LIKE Button...