Yanga Waihofia St. Louis >>>>

Share This:

Whatsapp Whatsapp Share it Tweet

Zikiwa zimebakia saa kadhaa kaklk ya klabu ya Yanga haijaanza safari ya kuwafuata vijana kutoka nchini Shelisheli baadhi ya mashabiki wa Yanga wamebainisha kuwa ushindi wa mabao 4-1 dhidi ya Majimaji siyo sababu tosha ya wao kuamini watakwenda kuifunga St. Louis ya Shelisheli kwenye mchezo wa marudiao wa Ligi ya Mabingwa Afrika utakaochezwa Jumatano ijayo.

Mashabiki hao wamesema kutokana na uzoefu wa soka la kiafrika ikiwa ni pamoja na fitina ambazo zimekuwa zikionyeshwa na baadha ya vilabu hapa barani Afrika huenda yanga akafanyiwa figisu ili asiondoke na ushindi katika uwanja wa ugenini.

Aidha wameongeza kuwa kulingana na uwezo ambao klabu hiyo ya St. Louis iliouonyesha haitoshi kulinganishwa na timu kama Majimaji Fc licha ya kuwa Yanga waliutumia mchezo dhidi ya Majimaji kama kipimo na maandalizi kuelekea mchezo huo.

Yanga ambayo inatarajiwa kuondoka jumapili hii kuelea Shelisheli kuwafuata St. Louis wataondoka nchini wakiwa mtaji wa goli moja walilopata katika uwanja wao wa nyumbani (Taifa).

Katika mchezo huo Yanga wanahitaji sare ama ushindi wowote ili kuendelea mbele katika michuano hiyo ya klabu bingwa.